Поддржувач на Трамп вели ќе плати 100 долари за секоја негова расистичка изјава

Корисникот на Твитер Дејвид Киркланд, кој јавно го поддржува Доналд Трамп, напишал дека не постојат докази дека новиот претседател на САД има давано расистички коментари, а има „тони докази дека Обама ги финансира ИСИС и радикалните џихадисти“.

Веднаш потоа, „твитнал“ дека ќе даде 100 долари на секоја расистичка изјава на Трамп, за која корисниците ќе најдат доказ дека е точна.

Трамп, кој не е ретко обвинуван за расизам, а со силната анти-муслиманска и анти-мексиканска реторика ја спроведе цела кампања, во последните денови е повторно во центарот на вниманието, откако актерот Дон Чидл го обвини јавно дека е расист и мизогинист.

Идејата на Киркланд да го одбрани Трамп, сепак се испоставила како лоша. Наскоро, голем број на корисници на социјалната мрежа му праќале линкови до вести и видеа каде е лесно видливо дека Трамп користи говор на омраза и расизам.

Сепак, Киркланд вели дека одбива да ги исплати парите бидејќи „никаде не гледа дека Трамп ги кажува тие зборови“. Односно, слично како и претседателот, тврди дека станува збор за „лажни вести“.