Даниел Милошески, еден од сопствениците на „Авалон продукција“, почина ненадејно вчера во вечерните часови. Од неофицијални извори, Милошески починал во текот на неговиот тренинг во фитнес-центар, јавува Утрински весник.
Посмртните останки ќе бидат изложени утре во капелата на Градските гробишта во Бутел, а погребот ќе биде во 14 часот.
Браќата Даниел и Бобан Милошески се меѓу најуспешните во областа на шоу бизнисот, не само во Македонија, туку и на Балканот, правејќи ги најголемите концерти на најпознатите домашни, екс југословенски, но и светски ѕвезди.
Приказната за успехот на „Авалон продукција“ започна во 1993 година, кога браќата го организираа својот прв голем концерт, а до крајот на 2013-та, бројот на концерти во нивната режија ја надмина бројката од 250. Меѓу легендите кои ги донесоа се Боб Дилан, „Ајрон меиден“, Ејми Вајнхаус…
Извор: Утрински весник