Британската влада претстави план за сузбивање на лажните оценки на интернет, правејќи го нелегално нивното пишување, пишува BBC.
Предлозите наведуваат поголеми казни за фирмите кои онлајн ги мамат потрошувачите да трошат повеќе отколку што сакаат.
Бизнисите кои нудат претплата, пак, ќе треба да појаснат на што точно се претплаќаат нивните потрошувачи и да им дозволат лесно да се откажат, со цел да се избегне бизнисите да експлоатираат клиенти.
Според предлозите на владата, регулаторите би добиле помош за отстранување на тактиките што се користат за манипулирање со луѓе кои пребаруваат производи и услуги на интернет.
Владата рече дека ќе ги заостри и шемите за предвремена отплата како што се клубовите за штедење за Божиќ – каде што клиентите избираат божиќни ваучери со месеци однапред, а потоа вршат редовни исплати кон добрата во текот на годината.
Според плановите, ваквите шеми треба да ги заштитат парите на клиентите во иднина. Целта е да се спречат скандалите како што е Фарепак, во кој се случија десетици илјади луѓе да изгубат сè што заштедија за Божиќ кога компанијата пропадна во 2006 година.
За користените автомобили и секторите за поправки во домот каде потрошувачите честопати прават големи еднократни набавки, владата ќе направи да е задолжително за деловните субјекти да учествуваат во арбитража или медијација кога се појавуваат спорови околу трансакција, за да не се влечат жалбите на потрошувачите низ судовите.
За многумина стана вообичаено да се провери страницата на продавницата пред да се купи или резервира нешто, од ресторани, до сместување за одмор или занаети. Прегледите се важни и затоа се создаде цела индустрија каде луѓе се плаќани да напишат лажни позитивни критики. Затоа британската влада сега сака да го направи овој потег нелегален.
Сепак, проблем ќе биде спроведувањето, бидејќи регулаторите секогаш се чекор зад измамниците.
Владата рече дека ќе има построги казни за оние што го кршат законот – до 10% од глобалниот промет на фирмата. Таа ќе може да го спроведува законот за потрошувачи директно, наместо да мора да поминува низ судски процес.