Околу 500 пицерии на франшизата Доминос нема да служат пици кои содржат месни производи во текот на цел нареден месец. Причината е празникот Навратри, кога милиони Хиндуси се молат и постат.
Во текот на празникот, тие строго одбегнуваат невегетаријански оброци, особено во северните и западните региони на државата. Навратри започнува на 1 октомври оваа година. Деветдневниот строг пост традиционално доведува до огромен пад на продажбата на невегетаријанската храна во Индија.
Индија е значаен пазар за Доминос, кој во државата има отворено повеќе од 1000 пицерии во речиси 250 градови. Со тоа, тоа е најголем пазар на Доминос надвор од САД. Тоа е и најпознатиот бренд на пица во Индија, со речиси 70 посто од пазарот.
„Консумацијата на невегетаријанската храна значајно се намалува во овој период. Овој потег е признавање дека иако сме глобален бренд, свесни сме за потрошувачките потреби. Станува збор за докажување на став на муштериите“, изјавил претседателот на Доминос Пица Индија, Дев Амритеш.