На Change.org беше започната петиција за да се спречи враќањето на Phil Collins на сцената, откако неодамна објави дека ќе сними нов албум.
Петицијата започната од Brian Pee од Њујорк, моментално има повеќе од 400 од вкупно 500 потписи кои им се потребни за да можат официјално да ја испратат до Обединетите нации.
Писмото упатено до организацијата има едноставна порака: „Phil Collins мора да се спречи“. Brian Pee на веб страницата тврди дека целта поради која ја започнал петицијата е бидејќи „и онака има многу страдање во светот“.
Се чини дека многу други потписници се согласуваат со него, пишува Mashable.
„Со години се мачев со зависноста од музиката на Phil Collins. Видете ме сега (Just Take a Look at me Now)“, напишал еден од потписниците од Обединетото Кралство, Gregg Stone.
„Помислете на децата“, напишал поддржувачот Matt Williams.