Петнаесет нумери изведени од македонски алтернативни артистки се најдоа во компилацијата „Некои девојки“, што ќе биде објавена на 22 март во Младинскиот културен центар.
Кристина Горовска – „Бернајс пропаганда“
На албумот, во издание на „Ако никој не свири“ и Младинскиот културен центар – Скопје ќе има песни од домашни артистки и групи со проминантни женски членови, кои се дел од актуелната незавизна музичка сцена.
Бојана Низамовска – пејачка во бендот „Џун“
Најголемиот дел од овие композиции ќе бидат за првпат објавени на носач на звук, а добар дел од нив се специјално креирани за потребите на компилацијата. Помеѓу изведувачите има и дебитанти, но и добро познати имиња со повеќегодишно искуство.
Геновева
Нина Георгиева
На компилацијата се појавуваат Кристина Горовска од „Бернајс пропаганда“, Билјана Мирковски која настапува под името Девојка, Галатеа, Грин Фуз, Херзел и Геновева, G-Rough, Бојана Низамовска- Бомза – лидерка на бендот „Џун“, Нина Георгиева, Плава, Првата Дама, Куајет Хирошима, Слит, Телемама и Ундон.
Билјана Мирковски која настапува под името Девојка
Стилски компилацијата е разновидна, покривајќи низа на жанрови како: инди-поп, рок, пост-панк, рап, современа класична музика, електронска и експериментална музика. Ќе биде достапна на компакт диск, како и во дигитален формат.
Извор: Stylist.mk