Во понеделник (9 мај), во емисијата „Отворено“ ќе се дебатира за можна пресвртница во политичката криза. Во неа ќе се дискутира и за прашањата:
– Јоханес Хајндл ќе бара нов пат за спас на Македонија од ќорсокакот
– Аболицијата мора да се повлече – порача и претседавачот со Советот на ЕУ
– Избори или техничка влада – граѓаните во неизвесност – роковите за одлука притискаат
– Протестите не запираат – граѓанските барања до преговарачката маса ќе допираат од улицата
Говорници во емисијата се Горан Рафајловски, поранешен Амбасадор на РМ во Германија, Малинка Ристевска – Јорданова, директорка на Институтот за европска политика (ЕПИ) и Љупчо Поповски, новинар во Утрински Весник.
Прашања и пријавување се за учество се прави преку социјалните мрежи Фејсбук и Твитер на: http://goo.gl/26sAVs или телефонот на Отворено: 077 508 843.
Емисијата се снима неколку часа пред емитувањето (16:00 часот – Томато продукција), а ќе се прикажува во понеделник, 18 април во 20:40 часот на ТВ 24 Вести.
„Отворено“ овозможува дискусија меѓу поканетите говорници и публиката за важни прашања кои не се доволно аргументирани во јавниот дискурс. Секоја дебата ќе обезбеди дискусија на нова тема, за кое ќе дебатираат јавни личности и публика составена од експерти и заинтересирани граѓани.