Отворен првиот „паметен“ пазар во Хрватска

Во загрепската населба Сигет, на 800 квадратни метри, домашните мали производители ќе можат да ги продаваат своите производи под строго контролирани услови.

Пазарите во Хрватска имаат долга традиција на постоење. Тие не се само место за набавка на храна, тие се и пожелна туристичка дестинација, заштитени од нематеријално културно наследство, а сега станаа место за примена на одржливи технологии.

Развојот на пазарот е од исклучително значење за развојот и опстанокот на малите производители кои ја сочинуваат основата на одржливоста на руралните средини. Според менаџерот на проектот Алан Слапар „досега во мрежата GoGreen се вклучени 700 мали производители со тенденција да се шири мрежата, бидејќи секој ден има нови производители кои сакаат да ги нудат своите производи на пазарот.”

Проектот GoGreen е важен, бидејќи проширувањето на малите производители и лансирањето на таквиот концепт на пазарот, многу повеќе го олеснува влезот на пазарот на малите претпријатија и на тој начин им овозможува да се фокусираат на развој на сопствен бизнис, а ги ослободува од дополнителни напори како барање продажна мрежа и инвестиции во маркетинг.

Соработката со eKupi е од голема помош, бидејќи eKupi е веб платформа која обезбедува пристап до голем број на клиенти. Покрај големите инвестиции во изминатите седум години од работењето, eKupi денес е број еден веб-трговец според својот обем на бизнисот.

Со овој потег, хрватските граѓани ќе бидат сигурни дека купуваат здрави домашни производи кои се строго контролирани од Институтот за јавно здравје.

Пред неколку дена беше отворен првиот ваков пазар во Загреб, следниот ќе се отвори во Чаковец, а наскоро е во план да се отвори и во Осиек, Дубровник, Сплит, Ријека, Задар и Пула.