На Попова Шапка од утре до 24 февруари ќе се одржи детската манифестација „Снежен град – 2019“. На настанот ќе учествуваат мали градители – ученици од Скопје, Куманово, Виница и Тетово.
Организаторот Детскиот културен центар „Карпош“- Скопје вели дека екипите се составени од по десетина деца со свој ментор, кои со алатки ќе градат своја склулптура и ќе ја прикажат своја креативност и умешност.
„Децата кои учествуваат на снежен град, користејќи ја својата фантазија, се вистински уметници кои си играат со снегот и го претвораат во објект кој што тие си го замислиле. Веруваме дека како и секоја година ќе направат впечатливи, уметнички скулптури“, велет од ДКЦ Карпош.
Во рамките на манифестацијата ќе се одржат и други активности од забавно-рекреативен карактер, како избор на снежна убавица, спортски игри и натпревари во пинг понг, билијард, шах, училишна квизотека, пикадо, снежен крос, најслатка бонбона, снежно бинго, бал под маски и забава во дискотека за учесниците.
Отворањето на „Снежен град“ е на 24 февруари во 11 часот. Покрај ДКЦ Карпош, коорганизатор на манифестацијата е хотел „Славија“- ЕЛЕМ.