Град Скопје соопшти дека од утре престанува мерката за бесплатен градски превоз за сите граѓани бидејќи податоците од Министерството за животна средина покажале дека е прекината низата на последователни денови со екстремно загадување на воздухот.
„Поради тоа, од утре се укинуваат воведените мерки за бесплатен превоз за сите граѓани и слободувањето од работа за вработените во Град Скопје и во јавните градски претпријатија над 60-годишна возраст со хронични заболувања, како и бремените жени“, пишува во соопштението.
Од Град Скопје информираат дека ќе продолжи интензивната контрола на градилиштата и возилата кои излегуваат од градежните зони, како и миењето на улиците и инспекцискиот надзор над инсталациите во нивна надлежност.