Вечерва од 18 часот со старт од училиштето „Кочо Рацин“ ќе започне ново искачување на скопската планина од серијалот „Почни со Водно“, а во склоп на настанот традиционално ќе има и музички собир.
Овој пат, ноќта ќе биде посветена на олд скул музиката, Р&Б, фанк, рок, поп, реге…. Присутните ќе ги забавува еден од основачите на „Bob Marley day“ – диџеј Чарли.
„Не заборавај, можеш со точак, можеш пешки. Од некаде мора да се почне. Почни со тренинг, почни со дружба, почни со нас. #ПочниСоВодно. Те очекуваат бајкерско – хајкерска коалиција, Macedonian Bike Riders Друштво неозбилни велосипедисти и i love hiking group Macedonia, велат организаторите на настанот.
„Се што треба да знаеш е дека треба да се појавиш во 18:00 часот ПРЕД Кочо Рацин. Да си земеш ранец во кој ќе има 1л вода. Некој шушкавец или тенка јакна за на врвот. Да се пресоблечеш горен дел – алишта. Да не заборавиш да го наполниш мобилниот за да имаш за добра фотка. Челна ламба или било какво светло кое ќе ти го осветлува патот. Осветлување напред и позади за точаците. И тоа е се. За се друго ќе се погрижиме ние“, стои во најавата за настанот.
Повеќе информации ТУКА.