Ноќно искачување на Водно

Иницијативата „Осветли го Скопје“ вечерва организира ноќно качување на планината Водно до Милениумскиот крст.

Настанот е од јавен карактер и може да учествуваат сите кои се чувствуваат подготвени да се искачат до познатиот крст на Водно. Времетраењето на искачувањето е помеѓу час и половина и два часа, по патека со должина од речиси 5 километри.

Збoрното место ќе биде основното училиште „Кочо Рацин“ нешто по 19 часот. Организаторите ги советуваат учесниците со себе да понесат, топла облека, вода и овошје, како и фенерче.