НАСА додели 14,1 милиони долари на Нокиа за распоредување мобилна мрежа на месечината. Грантот е дел од договорите во вредност од 370 милиони долари потпишани во рамките на програмата на НАСА за унапредување и развој на истражувањата за вселената.
Планот на Нокиа е да изгради 4G / LTE мрежа и на крајот да премине на 5G. Тоа ќе биде „првиот систем за комуникација LTE / 4G во вселената“, гласи најавата на НАСА.
„Системот може да поддржува комуникации на површината на месечината на поголеми растојанија, зголемени брзини и да обезбеди поголема сигурност од сегашните стандарди“, се вели во соопштението.
Од компанијата „Бел Лабс“, која врши истражувања за Нокиа, информираат дека имаат намера мрежата да поддржува безжично работење со лунарни ровери и навигација, како и стриминг видео.
Мрежата е изградена да биде компактна и ефикасна, како и „специјално дизајнирана да ги издржува екстремните температури, зрачење и вакуумски услови на просторот“.
НАСА соопшти дека мрежата ќе се прошири и на вселенските летала и ќе помогне во развојот на технологијата соодветна на месечината. Иако нема детали за временскиот период потребен за овој проект да стане реалност, сето тоа е во прилог на целта на НАСА да има база на месечината до 2028 година.