Едно од најголемите имиња на современата музика, диско-легендата Nile Rodgers ќе го отвори годинешното издание на фестивалот EXIT, објавија организаторите. Тој доаѓа со својот оригинален бенд Chic и ќе настапи на 10 јули на главната сцена на Петроварадинската тврдина.
Овој сестран продуцент, композитор и гитарист се смета за заслужен за успесите, сингловите и албумите на серија големи музичари во последните 40 години: David Bowie, Duran Duran, Madonna, Sister Slеdge, Eric Clаpton, Robert Plant, Diana Ross, B-52s, INXS. Во поново време, тој се докажува и како автор и на модерни денс-хитови: негови се хитовите на Daft Punk “Get Lucky” и “Lose Yourself to Dance”, а Rodgers работел и со артисти како Chase & Status, Avicii и Felix da Housecat.
Chic е неговиот оригинален бенд и една од најголемите светски диско и поп-сензации. Хитовите “Good Times”, “Dance, Dance, Dance”, “Everybody Dance” и посебно “I Want Your Love” and “Le Freak” ги препознаваат луѓе од сите генерации и тие претставуваат основа на модерната денс-музика.
Увертира за спектаклот на Петроварадинската тврдина ќе биде настапот на познатиот српски хор Viva Vox, кој изведува преработки на познати поп, рок и техно песни.