„Нетфликс“ ќе ги прикажува филмовите на Хајао Мијазаки

Видеосервисот за стриминг „Нетфликс“ ги откупи правата да ги прикажува филмовите на Хајао Мијазаки на своите сервиси, освен во Северна Америка и Јапонија.

Тоа значи дека корисниците на „Нетфликс“ ќе имаат можност да погледнат 21 филм од студиото Гибли – од Оскаровскиот „Spirited Away“ до „Grave of the Fireflies“.

„Ги послушавме нашите обожаватели и донесовме конечна одлука да го стримаме нашиот филмски каталог. Се надеваме дека сите ќе го откријат светот на студиото Гибли преку ова искуство“, потврди продуцентот Тошио Сузуки за „Холивуд репортер“.

Филмовите ќе бидат достапни на „Нетфликс“ од 1 февруари, 2020.