Наставник со стап тепал ученик во ООУ „Живко Брајковски“

Татко на ученик во ООУ „Живко Брајковски“, пријавил во полиција дека вчера, неговиот син бил тепан со стап од стара на на наставник. Министерството за образование и наука го осуди настанот.

Скопјанецот Д.Б.(45) вчера во 16 часот во Секторот за внатрешни работи Скопје го пријавил настанот, откако за време на наставата, наставник го удирал неговиот 13- годишен по рацете и вратот. Веднаш по пријавувањето на настанот било излезено на местото на настанот од страна на полициски службеници од Полициската станица Чаир. Известен бил Јавниот обвинител.

Министерството за образование и наука преку соопштение го осуди индицентoт.

„По добиените наоди од извршениот надзор од страна на Државниот просветен инспекторат, Министерството за образование и наука очекува соодветно санкционирање на наставникот. Веруваме дека секоја ситуација и конфликт може да се разреши по мирен пат, со разговор, а не со физички пресметки и напади. Штетата е уште поголема што не станува збор за инцидент помеѓу ученици, туку помеѓу наставник и ученик“, посочуваат од МОН.