Настап на Shackleton во петок на платото пред МКЦ

Фестивалот за елетронска музика и медиа арт „de:sonanz“ го најави настапот на англискиот електронски музичар Sam Shackleton кој има култно присуство на електронската сцена. Тој ќе настапи во петок (5 јуни) на платото пред МКЦ, со почеток од 21 часот.

Уникатен, мистичен и перфектно испродуциран звук, продуцент чии сонични иновации и храбри истражувања во музиката го прават еден од најзначајните електронски артисти на новиот милениум и формативно влијание на BTKRSH колективот.

Бунтовниот пристап на Shackleton кон длабоките бас линии и комплексните битови не се вклопува во ниедна лесна категорија и така и ќе остане во иднина. Shackleton внимателно го длаби својот еклектичен стил преку изданијата на Skull Disco сo заплеткани перкусии, хипнотички мелодии, сериозно длабоки бас линии и dubwise сензибилитет.

Покрај Shackleton, ќе настапат и Herzel, Jamaican Space Research Programme, Hypertech & Puk’kah, Andreas Hz & Martchin, Marko Rikaloski & Ulterior и Lazy Kidz Visualz.