Јавното сообраќајно претпријатие – Скопје ја намали цената на месечниот ученичко-студетски билет за месеците јули и август од 1.050 на 620 денари, пракса што е вообичена и важи само за летниот период.
Од Град Скопје информираат дека сите заинтересирани ученици и студенти месечните билети може да ги набават на билетарниците на ЈСП – Скопје.
Останатите цени на билетите остануваат непроменети односно месечниот билет за пензионери и за невработени е 1.050 денари за сите линии, месечниот билет за останатите граѓани само за градски линии е 1.460 денари, додека за сите линии (градски и приградски) е 1.680 денари. Пензионерите бесплатно може да се возат во автобус во вторник, петок, сабота и недела, додека за студентите бесплатно возење во автобус има во четврток.