Мукеш Амбани, најбогатиот индиски граѓанин, имплементира проект од 20 милијарди долари за 4Г, кој треба да им обезбеди бесплатен брз интернет на стотици илјади граѓани.
Мрежата, која беше лансирана во понеделникот, опфаќа повеќе од 80 отсто од државата. До март 2017 година, Амбани скаа да покрие 90 отсто. Индијците ќе имаат можност да го користат интернетот бесплатно до крајот на 2016 година, а потоа, корисниците ќе треба да платат барем 2,25 долари.
„Се што може да се претвори во дигитално, се претвора во дигитално, до експоненцијална стапка“, рече Амбани минатата година за време на годишното собрание на неговата компанија.
Досега само една петтина од Инцијците имаат пристап до интернет, додека проектот на Амбани ветува дека ќе ја зголеми оваа бројка.
Индиската влада сакаше да биде индиска компанија што ќе го направи тоа, а не странска. Владата одби слична понуда на почетокот оваа година од Фејсбук, за да се пристапи до сиромашните, рурални средини во државата. Фејсбук тогаш изјавија дека се заинтересирани тоа да го направат поради хуманитарни, а не комерцијални причини.