МВР: Нема веќе мигрантска криза, но е зголемена илегалната миграција

Министерот за внатрешни работи, Оливер Спасовски денес потенцираше дека голема мигрантска криза како изминатите години нема повеќе ниту во Македонија, ниту во регионот, но за сметка на тоа е зголемена илегалната миграција.

Споредено со минатата година и оваа имаме зголемување на обидите за илегален премин на границата на Република Македонија со Грција. Се појав и обратен правец на миграција од Србија во Македонија, првенствено на државјани од Иран. Србија во тој момент дозволи визна либерализација за државјаните на Иран. После легалното доаѓање во Србија тие преминуваа или се обидуваа да преминуваат на територија на Република Македонија“, изјави Спасовски.

Благодарение на контактите и комуникациите, вели тој, таа визна либерализација е укината и веќе се стопирани илегалните преминувања.

Во последните две недели, нагласи Спасовски, има драстичен пад на обидите за илегално преминување на границата.

„Македонската полиција работи заедно со полициски службеници од другите партнерски држави, коишто работат на обезбедувањето на македонско-грчката граница, а имаме формирано и посебни сили коишто ќе работат на спречување на илегалната миграција и трговија со луѓе. Тие започнаа со работа во сите региони на Македонија и веќе имаме конкретни акции спроведени врз основа на оваа стратегија“, изјави Спасовски.