Гренланд повторно доживува големо топење, бидејќи температурите се зголемуваат на Арктикот. Количината мраз што се стопи само во вторникот ќе биде доволна за да ја покрие целата држава Флорида во пет сантиментри вода, пренесува Си-Ен-Ен.
Тоа е трет случај на екстремно топење во изминатата деценија, период во кој топењето се прошири повеќе отколку од целата сателитска ера, која започна во 1970-ите.
Според данскиот Метеоролошки институт, Гренланд во вторникот загуби повеќе од 8,5 милијарди тони површинска маса во и 18,4 милијарди тони од неделата. Вкупната загуба на мраз оваа недела не е толку екстремна како сличен настан во 2019 година – рекордна година на топење, но површината на ледениот слој што се топи е поголема.
„Тоа е значајно топење“, изјави за Си-Ен-Ен Тед Скамбос, виш научен истражувач во Националниот центар за податоци за снег и мраз на Универзитетот во Колорадо. „На 27 јули поголемиот дел од источната половина на Гренланд од северниот врв, па се’ до јужниот крај, главно се стопи, што е невообичаено“.
A massive ice melting event is taking place in #Greenland, according to @PolarPortal
It would be enough to cover Florida in 2 inches (5 cm) of water
Not as extreme as 2019 in terms of gigatons but the melt area is a bit larger than 2 years ago.#ClimateChange #ClimateAction pic.twitter.com/Ai7RaWWebK— World Meteorological Organization (@WMO) July 29, 2021
Како што климатските промени предизвикани од луѓе ја загреваат планетата, загубата на мраз брзо се зголемува. Според една неодамнешна студија објавена во списанието „Криосфера“, Земјата загубила неверојатни 28 трилиони тони мраз од средината на 1990-тите, од кои голем дел бил од Арктикот, вклучително и ледената покривка на Гренланд.
„Во изминатата деценија, веќе видовме дека топењето на површината во Гренланд стана и потешко и погрешно“, вели Томас Слејтер, глациолог на Универзитетот во Лидс и коавтор на тој извештај. „Додека атмосферата продолжува да се загрева над Гренланд, настаните како последново екстремно топење ќе стануваат почести“.
Додека површината на Гренланд продолжува да се топи, Слејтер вели дека крајбрежните градови низ целиот свет се подложни на поплави од невреме, особено кога екстремните временски услови се совпаѓаат со плимата и осеката. Се очекува топењето од Гренланд да го зголеми глобалното ниво на морето помеѓу 2 и 10 сантиметри до крајот на векот, додава тој.
