Морган Фриман продуцира краток документарен филм за велешките тинејџери и лажните вести

„Продавање лаги“ е краток документарен филм за лажните вести, начините на кои преку алгоритмите на Фејсбук стануваат достапни до милиони корисници, но и за мрежата тинејџери од Македонија, кои во најголем дел потекнуваат во Велес и нивното влијание врз резултатите од претседателските избори во САД од 2016 година.

Филмот е резултат на соработката на Морган Фримен и продукциите „Ајворкс“ и „Ревелејшнс Ентертејнмент“. Режисерка на филмот е Лесли Ајврекс, која во 2006 година била номинирана за „Оскар“ за краток документарен филм „Рециклиран живот“.

Во него посебен фокус има Велес и тинејџерите кои преку лажните вести заработија пари преку сервисот „Адсенс“ на Гугл.