Организацијата Македонија2025 соопшти дека го отпочнува процесот за прием на апликации во склоп на Фондот за поддршка на талентирани студенти за тековната 2019 година.
„По успешноста на минатогодишниот пилот-проект, Фондот обезбеди средства да помогне на талентирани млади од Македонија во периодот од 2019-2022. Оваа програма, ќе помогне на 10 талентирани студенти секоја година во предвидениот четиригодишен период и ќе го стимулира нивниот развој на професионален и личен план“, велат од Македонија 2025.
Кој може да аплицира?
- Средношколци со успех 5.00 / студенти со просек над 9.00;
- Добитници на дипломи и награди во областа на природни науки, компјутерско програмирање и друго;
- Предност имаат студенти/ученици кои доаѓаат од социјално ранливи семејства со финасиски приход во семејството под 22.000 денари месечно;
- За аплицирање за стипендии во текот на наредните години, избраните кандидати треба да одржуваат контиуниран успех и да имаат развој во постигнувањата
Крајниот рок за испраќање на документите е 20-ти март. Апликациите ќе ги разгледува комисија составена од истакнати членови и партнери на Македонија2025.
Повеќе информации за повикот и потребните документи за аплицирање можете да најдете на слединов ЛИНК.