Членовите на групата „Il Padrone di Merda“ (ужасен шеф) протестираат пред седиштата на фирмите кои се обвинети за експлоатирање на трудот на работниците во Болоња.
Топло, сончево попладне во италијанскиот град Болоња. Група од околу 15 млади луѓе маршираат низ преполниот центар на градот кон една слаткара на улицата „Маџоре“, пишува „Гардијан“.
Ги ставаат белите пластични маски, а неколкумина од нив лепат налепници на ѕидовите и вратите со натпис „Ова место има ужасен шеф“. Во меѓувреме, еден активист со мегафон го чита сведоштвото на еден од вработените кој вели дека не земал плата со месеци.
Додека љубопитните минувачи застануваат и гледаат, сопственикот се конфронтира со демонстрантите, обидувајќи се да го зграби мегафонот и да ги тргне маските на некои од демонстрантите. Кога тој ја повикува полицијата, групата набрзо се растура.
Протестот на улицата „Маџоре“ е еден од многуте низ градот, по формирањето на групата во јануари во Болоња, богат град познат по храната и универзитетот. Групата таргетирала 16 бизниси во последните месеци, претежно ресторани и барови. Познат по лазањите и тортелините, градот има „жива“ и растечка сцена за храна со повеќе од 400 ресторани, пабови и кафулиња во централното подрачје, или по еден за 37 жители.
NESSUNA TREGUA AI PDM DI M&G, INIZIA IL BOICOTTAGGIO!Per il quarto giorno siamo tornati a presidiare l’ufficio bolognese dei Padroni di Merda M&G, che continuano a nascondersi nei loro uffici senza dare una risposta nonostante alla nostra prima visita si siano impegnati pubblicamente per risolvere la situazione dei lavoratori a cui non sono mai stati versati i contributi, e spesso neanche tfr e stipendi.Non accontentandoci di una porta chiusa siamo stati anche al PUFF STORE Bologna Irnerio, i cui titolari hanno utilizzato i dipendenti assunti tramite M&G fregandosene di tutti i soldi che gli sono stati rubati. (M&G è una società di servizi che di fatto fa da interinale assumendo lavoratori per aziende di ogni tipo)Probabilmente al PUFF STORE non sanno che l’ispettorato, nonostante i tempi biblici, potrebbe rifarsi su di loro per avere i contributi che M&G non paga, come già successo ad altre attività. Certamente questa holding che offre lavoratori a costi bassissimi sta truffando anche i datori di lavoro, ma a farne le spese sono solo i lavoratori e non accetteremo Padroni di Merda che utilizzano dipendenti e si disinteressano se vengono sistematicamente derubati!M&G ha fregato migliaia di lavoratori, è tempo di boicottarli ovunque, boicottiamo chi assume tramite M&G!
Posted by Il Padrone Di Merda – Bologna on Wednesday, 24 July 2019
Болоња со ваквата комбинација на храна и образование претставува основа за ефтина и лесно искористувачка работна сила. Во извештајот на владата за 2017 година се проценува дека нелегалната „сива економија“ претставува 72.6% од работните места во градот, рекорд во Италија, каде што е вообичаено непријавеното работење.
Студентите се особено ранливи на непријавеното вработување, без бенефиции, затоа што им се потребни финансии за да ги плаќаат студиите, вели Франческо Девинценти од синдикатот „Филкамс“. Ситуацијата се влошила во изминатата деценија затоа што родителите им даваат се помалку пари на студентите, вели еден од активистите. Движењето започнало откако група млади луѓе од Болоња почнале да споделуваат приказни за нивните искуства на работните места, а тие „виделе дека се многу слични на нивните“, вели една од основачите, која се крие под псевдонимот Барбара.
Првата акција била направена во бар каде вработените наводно се сексуално вознемирувани.
„Потоа ја направивме Фејсбук страницата и добивме пораки за други случаи“, вели Барбара.
Покрај пораките кои ги добиваат преку нивната Фејсбук страница, активистите ги „пратат“ лошите работодавци и во локалните весници како и на социјалните медиуми. Пред да ги организираат протестите, Барбара вели дека прво истражуваат како би ги потврдиле пријавните случаи, делумно, затоа што стравуваат дека работодавачите можеби користат лажни идентитети за да се обидат да ги разоткријат идентитите на луѓето кои стојат позади групата.
Групата исто така користи налепници за да ја алармира јавноста дека некое место е ‘обвинето’ за малтретирање на работниците и да ги обесхрабрат клиентите бидејќи веруваат дека предупредувањето можеби ќе ги убеди работодавците да постапуваат поправедно во иднина.
„Кога сте жртва, сите ве поддржуваат, но ништо не се менува. Но, ако ја отворите пандорината кутија и сопствениците почнат да се плашат дека сликата за нивното место ќе се ‘искриви’, тогаш работите може да се променат“, вели Барбара.
Иако активистите носат маски на демонстрациите и го кријат својот идентитет на интернет, стравувајќи дека поврзаноста со групата може да им предизвика проблем на нивните работни места, келнерот чија поплака го предизвика протестот во кафулето на улицата „Маџоре“, Андреа Пачи, излезе во јавноста со своето вистинско име. Во март, Пачи на својата страница на Фејсбук напиша дека немал добиено плата четири месеци.
„Решив да го сторам тоа откако видов спонзорирано интервју со сопственикот кој ми должеше плата“, вели тој.
Неговата објава била споделена од 1.700 луѓе, а ја забележале и од групата која го организираше протестот. Пачи верува дека ваквите акции на групата го потенцираат „широко расапространетиот проблем“ во Болоња, иако тој не учествуваше на протестот, бидејќи не бил убеден во нивните методи.