Мартин Џорлев го објави првиот албум со музичкиот проект „Стој, После“

„Умре ти, се родив јас“ е името на новиот албум на „Стој, После“, самостоен проект на младиот музичар Мартин Џорлев.

Албумот се состои од четири делови: доживување/дознавање, сеќавање/истражување, шум шума загуба и псалм.

„Вие одлучете кој каде почнува и каде завршува. Мојот начин е само еден. За времето и за жнеењето, за татко ми и за куќите кои ги изградивме, а и оние кои не (првите четири EPs компилирани во еден албум, минус една песна плус една песна)“, стои во објавата за албумот.

На деби парчето „Стој, После“ свој музички удел имаат и Зоран Џорлев, Иво Николовски, Раде Биковски, Виктор Стојановски и Ивица Јанкуловски.

„Благодарност до: Раде Биковски, Иво Николовски, Лука Јованоски, Андреј Димовски, Виктор Стојановски, Наско Џорлев (млад и стар), мајка ми, Лила Мирчевска, Паркчето Бановина, Danny Nedelko, Ивица Јанкуловски, Иван Петровски, Finger Skate Selective, AVGN, Jontron, Optibotomus, The Brick Show, CN, Minimax, Disney/Pixar, Тарковски, John Dwyer, King Gizz, Slint, Windmill Brixton сцената, Thom Yorke, The Floyd, Talking Heads, Animal Collective, Velvet Underground, Tom Jobim, Richard Galliano, стар дел во парк, Ink Spots, Al Bowlly, Tiny Tim, Anton Ego, Сунѓерот Боб и Малите Ајнштајни и Мики Маус на А1, Пајакот кој живее во мојата гитара, Кртоле и уште милион луѓе, работи, места, бендови и албуми и татко ми, ghost writer-от на овој албум“, пишува Џорлев.

Инаку, Мартин Џорлев е дел и од составите „Луфтанза“ и „Зулу 3.4“.