Глобалниот амбасадор на техно музиката, Marco Carola, ќе настапи на фестивалот EXIT, на последната, традиционална техно-вечер на фестивалот, во недела, на 10 јули, соопштија организаторите. Тој се враќа на Петроварадинската тврдина по пет години од неговиот последен сет, кој веќе се смета за легендарен.
На Carola истата ноќ (или утро) ќе му се придружи и „техно-баронот“ Dave Clark, еден од најголемите иноватори и мајстори на миксот меѓу светските лидери на електронската музика. Англискиот виртуоз последен пат настапил на EXIT пред цели десет години.
Официјално најдобриот европски летен фестивал за 2016 година ќе се одржи од 7 до 10 јули, а потоа „EXIT авантурата“ патува на Јадранското море, каде ќе се одржи третото продолжение на фестивалот „Sea Dance, од 14 до 16 јули.
Настапите на EXIT веќе ги потврдија: Ellie Goulding, Wiz Khalifa, Hurts, Bastille, Dimitri Vegas & Like Mike, Stormzy, Lost Frequencies, Solomun, Robin Shultz, Nicky Romero, Dub Pistols, DJ Hype, Andy C, Tommy Four Seven и многу други.