Македонскиот уметник Зоран Попоски учествува на видео изложбата „Надвор од рутината“ во рамки на меѓународниот фестивал за дигитални уметности Видеоформ 2021 во Клермонт-Феранд, Франција, во периодот од 18 март до 4 април 2021 година.
Ова е 36-то издание на Видеоформ и вклучува изложби, проекции, предавања, дебати и перформанси. Уште од неговото основање во 1984 година, фестивалот се етаблираше како проследувач на најновите трендови во полето на видео артот и дигиталните уметности во Франција и светот.
Зоран Попоски магистрирал уметност во нови медиуми во Австрија и САД, а докторирал студии на културата во Скопје. Има реализирано над 100 меѓународни изложби и е добитник на повеќе меѓународни награди за уметност.