ecaHack Skopje 2013 е дводневен хакатон, на кој програмерите, дизајнерите и останати ентузијасти, ќе се придружат на преку 3500 учесници во повеќе од 20 градови на ecaHack настаните ширум регионот и ќе работат во тимови за да креираат мобилни апликации за сите платформи.
Учесниците на ecaHack Скопје 2013 ќе имаат можност да разменуваат идеи, концепти и проекти и во насока на креирање на модерни и корисни мобилни апликации за оперативен систем по сопствен избор. Хакатонот има за цел да привлече млади ентузијасти кои со помош на присутните ментори, пикслите на мобилните уреди ќе ги претворат во високодинамично и интерактивно искуство за корисниците, ќе ги презентираат своите изработени апликации и со тоа ќе се натпреваруваат за фондот на награди.
Настанот во Скопје го организира Младинскиот претприемачки сервис YES. За повеќе информации посетете ја веб страната http://skopje.ecahack.com/ или контактирајте на yes@yes.org.mk