Луѓе низ светот го прифаќаат предизвикот и собираат отпадоци преку хаштагот #trashtag

Последниве неколку денови преку социјалните мрежи се шири хаштагот #TrashTag. Toj стана вирален, па луѓе наоколу светот го прифаќаат овој предизвик.

Наместо само да сликаат ѓубре и да се жалат на виртуелните пријатели, луѓето всушност собираат отпадоци на различни локации, па потоа се фотографираат со вреќите ѓубре.

Идејата за #trashtag кружи веќе неколку години, а една компанија во 2015 година ја промовираше за да заштити загрозена зона.

Но, викендов стана мегапопуларен низ интернет светот, и корисници на Фејсбук, Твитер и Редит со задоволство прифаќаат да исчистат купишта ѓубре во околината. Во Македонија, пак, уште претходната година иницијативата #НеБидиЃубре почна да чисти различни локации и да ја крева јавната свест за ѓубрето во нас и околу нас.