Ливерпул воведува брзи пешачки патеки

Првите обележани патеки за брзо движење на пешаците во Британија се воведуваат во Ливерпул, Англија, по истражувањето кое покажало дека бавното движење по тротоарите во центарот на градот е најголемата непријатност за граѓаните кои одат на шопинг.

Првата ваква патека е обележана на улицата St. John, а таа ќе им овозможи на луѓето да чекорат побрзо околу трикатниот трговски центар „Ливерпул еден“.

Истражувањето исто така покажало дека купувачите мразат да се пробиваат низ толпа, како и луѓе кои разговараат на средината на улиците и тротоарите. Очекувано, идејата за брзите пешачки патеки била попопуларна кај младите испитаници (69% од младите на возраст од 18 до 24 години биле „за“), отколку кај постарите (само 37% го поддржале планот).