Во склоп на „Strumica open festival“, џез-составот „Летечки пекинезери“ утре (11 август) од 21 часот ќе настапуваат на плоштадот „Гоце Делчев“ во Струмица.
„Свинг-џез бендот Летечки пекинезери ќе настапи на сцената кај Чешмичката со својата авторска музика која гравитира кон свинг-звуците од 30-тите и 40-тите години на минатиот век“, стои во најавата за концертот.
Во „Летечки пекинезери“ членуваат Бојан Петков – гитара, Иво Солдатовиќ – кларинет, Петар Христов – тенор саксофон, Кирил Туфекчиевски – контрабас и Славчо Коцев на тапани.
Фестивалската неделна вечер ќе биде комплетирана го дополни домашниот состав „Дикато“и тоа: саксафон (Александра Илиева), виолина (Тани Илиева), вокал (Оле Илиева) и пијано (Динчо Илиев).