Лекарите специјализанти од Медицински факултет – УКИМ, револтирани од новите законски решенија за специјализирање за кои сметаат дека се дискриминаторски кон нив, најавија протест во среда (10 февруари) напладне. Протестот ќе се организира во кругот на Клиничкиот центар, кај паркчето меѓу одделите Интерна и Хиругија.
„Дојде часот, време е запротест. Кога бе те слушаат- викни погласно!
НЕ – за видеоснимање и емитување во живо на сите наши испити!
НЕ – за работа без скршен денар плата, здравствено и пензиско осигурување!
НЕ – за лихварски договор на лојалност и меници од 60 000евра!
НЕ – за дежурства кои не се платени!
НЕ- за дискриминација по основ на боледување и трудничко!
НЕ – за дискриминација, обесправеност и јавно понижување и деградирање на докторите специјализанти“, велат младите лекари.
Претходно лекарите специјализанти и идни специјализанти на Медицински факултет – УКИМ упатија и отворено писмо до пратениците и министерот за здравство, револтирани од тоа што не се земени во предвид нивните предлози во новите измени во Законот за здравствена заштита . Новите законски решенија, сметаат тие, дополнително ќе го зголемат заминувањето на лекарите во странство.