Артур Ашкин, Жерард Моро и Дона Стрикланд се добитници на Нобеловата награда за физика за 2018 година за нивните откритија во полето на ласерската физика.
Американскиот физичар Ашкин доби една половина од наградата за неговото откритие на „оптички пинцети“, кои овозможуваат манипулирање со мали честички со помош на светлината.
Пинцетите на Ашкин можат да манипулираат со честички и молекули со нивните ласерски „прсти“. Со ова откритие можат да се истражуваат и манипулираат разни вируси, бактерии и други живи клетки, без да се оштетат, што создава нови можности за проучување и контролирање на живите организми.
Science fiction has become a reality. Optical tweezers make it possible to observe, turn, cut, push and pull with light. In many laboratories, laser tweezers are used to study biological processes, such as proteins, molecular motors, DNA or the inner life of cells.#NobelPrize pic.twitter.com/tWK55J4VcP
— The Nobel Prize (@NobelPrize) October 2, 2018
Канадската физичарка Стрикланд и францускиот научник Моро, пак, ќе ја поделат втората половина од наградата за нивната работа во развивање на многу кратки и многу силни ласерски импулси. Овие зраци овозможуваат сечење и бушење на резлични материјали со огромна прецизност. Со помош на оваа технологија се направени корективни операции на очите на милиони луѓе.
Gérard Mourou and Donna Strickland – this year’s #NobelPrize recipients – paved the way towards the shortest and most intense laser pulses created by humankind. The technique they developed opened up new areas of research and led to broad industrial and medical applications. pic.twitter.com/KQYcbmW0tl
— The Nobel Prize (@NobelPrize) October 2, 2018
Стрикланд стана третата жена во историјата која ја добила Нобеловата награда за физика и првата жена со оваа награда по 55 години. Во краткото интервју при соопштувањето на наградите од Нобеловиот комитет таа изјави: „Мислев дека бројот е поголем“.