„Чудна шума“ на 10 ноември во Детскиот креативен центар во МКЦ организира креативни работилници за млади на возраст од 13 до 17 години.
Под наслов „Ја менуваме околината, го менуваме светот“ се најавени ликони работилници во неколку термини. Темите се ликовна уметност, инсталација во простор и стрип, каде предавач ќе биде ликовниот уметник Доротеј Нешовски.
Исто така, ќе има и термини за работилници за креативно пишување – сценарио за краток филм, драмски текст, сценарио за стрип. Во нив ќе предава Билјана Црвенковска, писателка и сценарист.
Работилниците се бесплатни. Бројот на учесници е ограничен. Одржувањето на работилниците е поддржано од Град Скопје и овозможено од Детскиот креативен центар во МКЦ.
Повеќе информации околу термините ТУКА.