Младински образовен форум во соработка со Волонтерски центар Скопје, Капитал Медиа Груп, Општина Карпош и Општина Центар, со поддршка на Агенцијата за млади и спорт и Програмата за развој на Обдинетите нации, а во рамките на проектот „Гласот на младите, граѓански ангажман и учество на локално ниво“, распишува конкурс за учесници на циклус од шест обуки за јакнење на капацитетите на младите и зголемувањето на нивното активно учество во општествените процеси и процесите на носење одлуки.
Учесниците кои ќе ги посетат сите шест обуките ќе добијат сертификат.
Дел од нив ќе добијат можност и за волонтерство во организациите, институциите и компаниите кои го спроведуваат проектот.
Листата на обуки кои учесниците ќе можат да ги следат е:
-Управување со проектен циклус
-Социјално претприемништво
-Финансиска писменост и менаџирање на лични финансии.
-Менаџмент и брендирање на компанија
-Начин на работење на локална самоуправа
-Активно граѓанство и учество
За учество апликантите треба да бидат невработени и да бараат работа, да се апсолвенти, дипломирани или магистрирани, на возраст до 25 години, како и да бидат во можност да ги посетат сите шест обуки.
Сите заинтересирани може да се пријават на obuki@mof.org.mk со испраќање на пополнета апликација и CV најдоцна до 21 ноември 2013. Резултатите од конкурсот ќе бидат објавени на 26 ноември.
Обуките се дводневни [8 часа вклучувајќи и паузи], а ќе се реализираат во Скопје за време на викендите на следниве датуми: 30 ноември – 1 декември, 7 – 8 декември, 14 – 15 декември, 21 – 22 декември, 2013 година; и 18 – 19 јануари, 25 – 26 јануари, 2014 година.
Бројот на учесници е ограничен. Обуките се бесплатни и ќе бидат спроведени на македонски јазик во соработка со Општина Карпош, Општина Центар и Капитал Медиа Груп. При селекцијата на кандидатите ќе биде земен предвид етничкиот и родовиот баланс на групите.
Повеќе информации за конкурсот:
Младински образовен форум 02 3139 692 Лок. 103, obuki@mof.org.mk.