Ремек-делото на Николај Римски Корсаков „Шехерезада“, во концертна изведба на Оркестарот на Националната опера и балет, ќе се одржи на 5 март (петок) со почеток во 20 часот, под диригентската палка на Бисера Чадловска.
„Оркестарот на еден поинаков начин ќе ја преточи оваа безвременска бајка, преку прекрасната музика која води во светот на ориентот“, велат организаторите.
Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.
Организаторите напоменуваат дека влезот за публика ќе биде отворен еден час пред почетокот на настанот,а билетите се во строго ограничен број.