Концерт на „Zulu 3.4“ и „Station: Innermost“ во „Хавана“

Во летниот клуб „Хавана“ на 18 септември (среда) со почеток од 20:30ч ќе се одржи заедничкиот концерт на „Zulu 3.4“ и „Station: Innermost“.

И двата бенда годинава ги промовираа своите авторски изданија – Zulu 3.4 нивниот албум „FM to AM “, додека „Station: Innermost“ – „Exposure“.

„Zulu 3.4“ е инструментален бенд од Скопје. Членови на бендот се уметници од сферата на џез  музиката, чија цел е преку фузија на различни стилови да создадат уникатен звук и да внесат свежина на македонската музичка сцена.

„Station: Innermost“ е прогресивен рок бенд од Скопје. Нивниот звук е слоевит, и нивната приказна ќе ве однесе на возбудливо музичко патување. На овој концерт, за прв пат во целост аудиториумот ќе има прилика да ги слушне „Expоsurе“ во живо, како и нови, досега необјавени песни на кои бендот работеше во изминатиот период.

Цена на картата е – 200 денари (на влез во „Хавана“).