Концерт на дуото C.I.A. Debutante од Франција ќе се одржи во понеделник (4 февруари), во 21 часот, во скопскиот бар Ла Кања.
C.I.A. Debutante се експериментално дуо од Франција кое го сочинуваат Nathan Roche (Le Villejuif Underground ) и Paul Bonnet (Disposition Matrix). Комбинирајќи модуларни синтови, гитарски noise и вонземјански spoken word, тие создаваат слоевити и халуцинирачки поеми со изместена бранова должина.
Нивната страст за музицирање и истражувачкиот дух за кратко време изнедрија голем број на дискографски изданија за етикети како Tanzprozesz, Crudites Tapes, Czaszka Records, Evocative Objects и други.
Концертот кој е дел од нивната источно европска турнеја, е во организација на Задруга 5060.