Комедијата Focus и анимираниот филм Shaun the Sheep премиерно во Милениум

Комедијата „Focus “ и анимираниот филм „Shaun the Sheep“ премиерно ќе бидат прикажани во градското кино Милениум.

Од четврток (26-ти февруари), со почеток од 20:00 часот, ќе се прикажува филмот „Focus“, во режија на Glenn Ficarra, John Requa, со Will Smith, Margot Robbie, Rodrigo Santoro во главните улоги.

Ники е неверојатно вешт измамник, кој под своја закрила ја зема младата Џес, која е почетник во професијата. Тие влегуваат во романтична врска, но Ники сфаќа дека неговата професија на лажго и изманик не оди заедно со љубовта. Тие се разделуваат, но се сретнуваат по три години… И тогаш почнува хаосот.

Од сабота (28-ми февруари) пак, со почеток од 13:00 часот, за најмладата публика, следува филмот „Shaun the Sheep“, во режија на Mark Burton, Richard Starzak, во кој главните улоги ги толкуваат (гласовите ги позајмуваат) Justin Fletcher, John Sparkes, Omid Djalili.

Кога Шон ќе одлучи да земе слободен ден и да се забавува, тој добива малку повеќе акција од што очекувал. Една несмасна закачка со фармерот, една приколка и еден многу стрмен рид, ќе ги одведе сите до големиот град, па Шон и стадото ќе треба да најдат начин за безбедно враќање дома.