Младиот кочански бенд „Корка“ го објави своето истоимено деби EP, на кое се наоѓаат шест песни.
„Нашето прво ЕР (самонасловено) отсега официјално можете да го слушнете на YouTube и Bandcamp, а наскоро и на сите останати стриминг платформи. Целото ЕР е DIY, од снимањето до микс и мастер и се друго. Посебна благодарност до сите наши пријатели и на сите што го чекавте ова ЕР“, соопштија од „Корка“.
Петчлениот состав во неделата настапуваше на финалниот ден од фестивалот „Сепак се врти“, организиран од „Гола планина“ и пријателите.
„Голопланинци“ за нив рекоа дека се млад, гласен петчлен бенд од Кочани, кој инкорпорира множество елементи од дисонантните нојз рок 90-ти и бурната алтернативна рок сцена.
„Со својот самонасловен ЕП, преку бучни рифови и нежни вокали ќе ви го претстават ужасниот живот на анти-херојот ‘Ристо’“, соопштија од „Гола планина“.
View this post on Instagram
