Пионерот на електронската музика, францускиот композитор Jean Michel Jarre на 19 јуни ќе објави неколку нови песни, плод на соработката со Massive Attack, Tangerine Dream и Gesaffelstein. Песните ќе бидат објавени во ограничен број на винил плочи, достапни исклучиво преку сервисот The Vinyl Factory.
За годинава е најавен и новиот студиски албум на легендарниот Французин, а соработките со угледни електронски музичари се најава за новото издание. Пред неколку недели, Jarre го објави синглот „Conquistador“, направен заедно со францускиот техно артист и диџеј Gesaffelstein. Во исто време, се појави и песна која Jarre ја издава со Anthony Gonzalez од бендот M83, насловена „Glory“.