Бугарскиот пливач Јане Петков, или познат како „човекот амфибија“ денеска во Охридското езеро постави Гинисов рекорд со препливување на 3500 метри во вреќа и врзан со ланци.
Ова не е првпат за 64-годишниот Петков да постави Гинисов рекорд во оваа дисциплина. Тој во 2013 година успеа да преплива 2388 м. за време од 2 часа, 55 минути и 47 секунди токму ва Охридското езеро, на патека Горица-Градско пристаниште.
Претходно, Гинисовиот рекорд во пливање врзан со ланци го постави индиецот Гопал Карви со препливани 3071 м. во Индискиот океан на 1 декември во 2013 година.