Изложба за креативната употреба на шивачката техника вечерва во Кула

Културниот центар „Кула“, вечерва, со почеток од 20 часот, организира изложба на учесниците од работилницата за креативна употреба на шивачката техника.Ова претставува прв проект на „Кула“ кој имаше за цел да соедини и вмрежи креативни млади луѓе.

Учесниците на работилницата се Андреа Велинова, Анѓела Велинова, Долорес Соколова, Калина Алтанџиева, Елена Гелева, Теодора Ваклинска, Анѓелина Шулевска, Соња Јанковиќ, Деа Беатовиќ, Анастасија Петковска, Тамара Петковска, Магда Ориѓанска, Марина Савеска, Мила Спасовска, Маја Нацевска, Ана Симонова, Добрица Пехливанова, Марија Треневска, Лина Димитровска, Даниела Велкоска, Андријана Папиќ-Манчева.

Ментори на работилницата беа Бранкица Јордановска, Тамара Иванова и Мирјана Веселиновиќ.

„Учеството на групата млади луѓе придонесе со интензивна наклонетост кон шиењето, а консеквентно се манифестираше максимална прецизност и перфекционизам во изработувањето на производите“, велат организаторите.

Предметите кои вечерва ќе се изложат ќе бидат дела од типот на ранци, торби, навлаки за перници и мобилни телефони и слично.