Францускиот институт во Скопје и Националната галерија на Македонија ја организираат изложбата на фотографии на Жереми Бишолц „Скопје низ објективот на еден млад француски фотограф“. Отворањето на изложбата е најавено во среда(16 април), во 20 часот, во Чифте амам.
Во текот на еднонеделниот уметнички престој во септември минатата година, Бишолц прави серија фотографии од главниот град, кои ќе бидат поставени во галеријата до 30-ти април. Изложбата ќе ја отворат Н.Е. г-ѓа Лоранс Оер, Амбасадор на Франција во Македонија и г-ѓа Маја Неделкоска-Брзанова, Директор на Националната галерија на Македонија, во присуство на уметникот.
Овој настан се организира во рамките на одбележувањето на 40-годишнината од постоењето на Францускиот институт во Скопје.