Изложба на слики насловена„Лицата во пределот на пеколот и рајот“ на тетовскиот уметник Славчо Максимовски и промоција на филмот „Круг“ на Глигор Кондовски и Максимовски се закажани оваа среда (12 ноември), во 20 часот во културниот центар „Ку Ла“во Скопје.
„Човечкиот поглед е почеток на сечие постоење. Овозможува откривање и спознавање на сè што не опкружува, а очите како најчувствителен орган на човекот се тие кои преку погледот кажуваат многу, зборуваат за животни приказни иако без глас, но нивната тишина може да биде и премногу гласна, а нивниот нем вресок е доволен сведок. А јас само сакам да ја доловам својата приказна, да го запишам и нацртам односно насликам своето време, на начин на кој јас го чувствувам и гледам сето она што допира до мојот поглед, па и подалеку од тоа, од некоја своја точка и гледиште кое е само мое, надреално, илузионистичко, експресивно, но највеќе реално. Се дрзнувам да влезам во таа бездна на хоризонтот и лавиринтот во кој не се знае каде е излезот, и дали воопшто тој постои? Сакам сето ова да го поврзам со реалниот поглед на сегашноста во овие жолти, сиви, црни, бели, розов
Експерименталниот филм „Circle / Круг“ е дело на Славчо Максимовски и Глигор Кондовски. Улогите ги толкуваат: Тања Бучковска, Елзана Чековиќ и Марко Видачек.