Утре во 20 часот, во Кинотека на Македонија, премиерно ќе се прикаже краткиот игран филм „Исклучиво жолти лалиња“. Режисер на комедијата е Кузман Кузмановски, а работена е според сценарио на Ева Камчевска.
Во филмот се раскажува за Гиго, 35 годишен писател кој живее сам како срамежлива личност. Откако е поканет на кафе од својата женска пријателка, добива надеж дека повеќе нема да биде сам. Слушнал дека оваа жена сака жолти лалиња и во обид за подобар прв впечаток одлучува да дојде до нив по секоја цена.
Фотографија од снимањето на „Исклучиво жолти лалиња“
Актерската екипа ја сочинуваат Тони Михајловски, Горан Трифуновски, Александра Павлова, Снежана Киселички и Кети Илиевска.
Филмот е во продукција на Аурипигмент од Скопје, со финансиска поддршка на Агенција за филм на Република Македонија.