Иран призна дека „ненамерно“ го собориле украинскиот патнички авион во кој животот го загубија 176 лица.
Истрагата покажала дека „ракети биле истрелани поради човечка грешка“, изјавил претседателот Хасан Рухани, пренесува Би-Би-Си. Тој го опишал соборувањето на авионот како „непростлива грешка“.
Armed Forces’ internal investigation has concluded that regrettably missiles fired due to human error caused the horrific crash of the Ukrainian plane & death of 176 innocent people.
Investigations continue to identify & prosecute this great tragedy & unforgivable mistake. #PS752— Hassan Rouhani (@HassanRouhani) January 11, 2020
Од иранската војска соопштиле дека авионот летал премногу блиску до локација која припаѓала на Иранската револуционерна гарда и дека по грешка бил посочен како непријателски авион.
Иран претходно негираа дека се одговорни за падот на авионот.
Рушењето на украинскиот авион во средата се случи само неколку часа откако Иран изврши гранатирање на две воени бази во кои беа сместени американски војници во Ирак. Нападот беше одговор на убиството на иранскиот командант Касем Солејмани во американски воздушен напад во Багдат на 3 јануари.