Григорија Гулевска е млада креативна и амбициозна личност, која константно е во потрага по нови знаења и авантури. Цели да ги исполни своите соништа и при исполнувањето секогаш наоѓа начин како креативно да ги прикаже работите. По професија е дипломиран политиколог при Универзитетот Американ Колеџ во Скопје, со прикриена креативна страна која секојдневно трагала по начин да исплива на виделина.
„По завршувањето на студиите, за мене неопходно беше да се пронајдам себе си и да го работам токму она што го сакам и што ме исполнува, па така без да се двоумам се одлучив за промена на професија, за која што воопшто не се каам. Моментално како студент на Академијата за графички дизајн – Brainster, учам и ја доусовршувам мојата пасија кон илустрациите. При цртањето на илустрациите, секогаш гледам да оставам дел од мене преку нив, илустрацијата да биде препознатлива и да има свој печат. Инспирација ми се секојдневните случувања, луѓето, како и моите безвременски идоли од кои константно им се воодушеувам Stanley Kubrick и Leonard Cohen. Цртањето на илустрации ми е еден вид на терапија, која ме смирува и ми дозволува да се изразам како ќе посакам, а секогаш кога креативата ми е „пригушена“ едноставно, јас не сум јас“, вели таа за Радио МОФ.
Гулевска e уште една илустраторка која се приклучува на нашата иницијатива #ИнстаИлустрации. Во продолжение, погледнете дел од нејзините илустрации:
https://www.instagram.com/p/B9MxFttHRoH/
https://www.instagram.com/p/B9d816LHGGb/
https://www.instagram.com/p/B86lxFyHGaR/