На тврдината „Punta Christo“ кај Пула во четврток, на 4 септември ќе се отвори еден од најголемите европски фестивали на кој во текот на четири фестивалски денови на сцената ќе настапат повеќе од триста на изведувачи, ќе испловат околу четириесет бродови со организирани забави, а се очекува да пристигнат околу 15 илјади посетители, љубители на даб, реге, хип хоп, драм енд бејс, хаус, гараж и слични музички правци.
Фестивалот ќе биде најавен, во среда на 3 септември кога на сцената, покрај останатите ќе настапи Ms. Lauryn Hill, која за првпат доаѓа во Хрватска. Од Арената во Пула таа тргнува на својата европска турнеја каде ќе се претстави со се уште свежите интерпретации на песни од нејзината богата и бурна дваесетгодишна кариера.
Во четврток, по „нежниот“ почеток на фестивалот во пулската Арена, на тврдината „Punta Christo“ започнува висинската фестивалска журка. Со оглед на тоа што „Оutlook“ ги следи сите случувања и новини на сцената, листата на изведувачи е составена од дебитанти и познати светски изведувачи. Меѓу попознатите артисти свој настап ќе имаат Busta Rhymes, DJ Premier, Barrington Levy , Horace Andy, Congo Natty, Јah Shaka, Buraka Som Sistema. Меѓу изведувачите годинава се најдоа и Zed Bias, Boddika, David Rodigan, Digital Mystikz , Phaeleh, Funkineven, Eliphino, Kutmah ...
Целата листа на изведувачи може да ја погледнете ОВДЕ.