Гугл со нова функција во обид да ја намали зависноста од смартфоните

Водечките технолошки компании почнаа да посветуваат поголемо внимание на влијанието што нивниот производ го имаат врз секојдневниот живот на потрошувачите. Токму со таа цел Гугл ја подготви функцијата „Дигитал Велбиинг“ (Digital Wellbeing), чија цел е да се натераат луѓето да го намалат времето што го минуваат со смартфоните во рака.

Резултатите од една студија, финансирана од Гугл, поврзана со времето кое секој ден корисиците го минуваат пред екраните на паметните телефони, покажуваат дека, без разлика на возраста, полот, религијата и етничката припадност, сите луѓе се соочуваат со истиот проблем.

Континуираниот пристап до социјалните мрежи и мобилните апликации создава постојано чувство на посветеност кон паметните телефони, што за возврат предизвикува несакан личен стрес и анксиозност.

Основната идеја на истражувањето било да се утврди колку луѓе се зависни од мобилните уреди и дали тоа влијае на нивниот живот.

Гугл истакнува две главни образложенија за ситуацијата – „пристрасната природа“ на смартфоните и различните можности кои им ги нудат заедно со желбата за постојана поврзаност со саканите луѓе.

Единствено решение е да се ограничи времето минато со смартфоните во рака, со што се ублажуваат симптомите на стрес и се создава чувствуво на поголема слобода.